tag:blogger.com,1999:blog-8379050302543472187.post735712716143222016..comments2023-09-16T11:18:47.901+02:00Comments on le ravaudeur: Méforme Hervé Chesnaishttp://www.blogger.com/profile/07124398881611857778noreply@blogger.comBlogger1125tag:blogger.com,1999:blog-8379050302543472187.post-51055867311726905492019-06-07T06:44:52.715+02:002019-06-07T06:44:52.715+02:00Traduction en oc de Stéphane Lombardo :
Mauforma
...Traduction en oc de Stéphane Lombardo :<br /><br />Mauforma<br /><br />Es pas per ieu la gran forma, per tu manca abaitan, t'esperavas pas vint-quatre cants de ton fraire en lo mandant d'escriure, ren un roman manca, bessai un testament ?<br />M'agrada gaire la matèria de Bretanha, siáu pas dau monument, celebre pas quau ganha e dei korrigans, me'n bate. La vena epica m'es pièger que tot, en ma catolica raça estirassa, soleta mon ira fuguèt omerica e non la saupère ren cantar. Dire quau fuguères, celebrar una enfància sota un soleu mesurat, tei jòias, tei gosts, nòstres dets roges dins lei baranhas d'ampoas, òc aiçò o pòde escriure e probar d'o suscitar, mai fonde pas ren que vaugue, tricòte sensa comptar lei malhas, aquesta còta mau talhada se desquipòta, se desfila, s'escalha e se tene paraula, testard, se me rompe l'esquina a t'escriure, sauvar de l'oblid çò qu'o pòu èstre, botar d'òrdre en mon granier onte la memòria pren l'aiga, es au pretz de l'infòrme, dau descant de de Corbière. Coneisse tròp sovent la fatiga, de còps l'aclapament : perqué perseguir un passat sensa revenenta se l'avenidor se barra coma un ponh sus la vida-ela e que lèu degun se remembrarà pas de tu, que lèu pas pus degun per se remembrar de quau que fugue ?<br />Hervé Chesnaishttps://www.blogger.com/profile/07124398881611857778noreply@blogger.com