tag:blogger.com,1999:blog-8379050302543472187.post4046219057282242404..comments2023-09-16T11:18:47.901+02:00Comments on le ravaudeur: Neige et laineHervé Chesnaishttp://www.blogger.com/profile/07124398881611857778noreply@blogger.comBlogger1125tag:blogger.com,1999:blog-8379050302543472187.post-72445195310108869432018-02-01T18:23:20.515+01:002018-02-01T18:23:20.515+01:00Traduction en Oc de Stéphane Lombardo:
Nèu e lan...Traduction en Oc de Stéphane Lombardo:<br /><br /><br />Nèu e lana<br /><br /><br />Dins l'ivèrn, lo buf dei jorns corts, la plueja, la plueja, la plueja, plòu despuei de mes, subre lo soleu, subre lo frèi, la plueja s'encala, t'agradariá pas aquò, nòstreis invèrns de pichòts brilhavan de gelarèias cristalinas, e nòstrei rires pareissián infinits quand la natura durcida lei remendava per resson, ben delà la vapor petrificada que sortiá de nòstrei labras. Avèm coneissut lei dets roges e gords crispats sus de bolas de nèu, èra pas totei leis ans, mai totun, la nèu calava mai sovent qu'estofava nòstrei crids de pichòts atissats - la nèu atisse lei pichòts, es un fach d'evidéncia, la nèu metamorfòsa, la nèu suspren, la nèu suspen. Sortièm sus la glaça, e sota nòstrei vestiments, cargaviam de debàs de lana que nos impausava mair, aquestei debàs lei detestaviam. Mair, èra una d'aquestei maires qu'an totjorn frèi per sei pichòts, jamai racha d'una espessor de mai, fugueriam de pichòts tapats, de pichòts coats, cagolas, mitas, mandius interminables, de pichòts envelopats, lanós, tricotats. Es luencha aquesta enfància que lo frèi i podiá far plorar e rire parier de drollons estaponats, lei gautas en pomas d'apí, leis uelhs brilhants d'una febre de santat. Hervé Chesnaishttps://www.blogger.com/profile/07124398881611857778noreply@blogger.com