tag:blogger.com,1999:blog-8379050302543472187.post5329814266754076833..comments2023-09-16T11:18:47.901+02:00Comments on le ravaudeur: Ta naissance à HonfleurHervé Chesnaishttp://www.blogger.com/profile/07124398881611857778noreply@blogger.comBlogger1125tag:blogger.com,1999:blog-8379050302543472187.post-63337337700852468142015-05-29T18:45:07.927+02:002015-05-29T18:45:07.927+02:00Ta naissença a Honfleur
L'estiu 64, me siáu r...Ta naissença a Honfleur<br /><br />L'estiu 64, me siáu romput la clavicula a Honfleur, onte mamà t'esperava, se ditz que sautant dau banc de cochier que se trobava dins l'entrada, seriáu tombat sus la bequilha dau pairgrand, tant se pòu, me ne sovene pas, aviáu 18 mes. Èras pas naissauda, anavas pas tardar, tardavas pasmens, aquò fasiá la clavicula frachada dau màger qu'aviá pas dos ans. Per mamà, fuguèt pesuc aquel estiu, pesuc de tu, fòrça gròs bambin pas preissat de nàisser - quinze jorns tardiera, se far desirar - pesuc de son pichòt plastrat que li fauguèt trobar una baila, una au pair que l'anèsse promenar : desequilibrat, podiáu pas pus caminar. Me sovène pas ren d'aquel estiu, me sovène pas de tu que naissères tardiera en septembre, e manco de la joventa que m'abrivèt fins au bòsc per s'i rambiar amb son tipe e que m'oblidèt ailà - angoissa dau temps qu'òm me cerquèt, emocion quand òm me tornèt trobar, d'ira òm la remandèt (òm, segur, es lo pairgrand). Una autra, un pauc pus tard me portèt fins l'espitau te veire, èra l'espitau vièlh de bricas, de silex e de greda. Fuguères aqueste gròs bambin dintre lei braç de mamà e d'ara-en-avant, dos fugueriam, per ela dos pes de segur, lo fòrça gròs bambin pas preissat de nàisser, e lo drollet ranguejant de l'espatla. Es ansin, d'aqueu pes commun sus tèrra, que se dessenhèt l'èstre-ensems, la jòia d'èstre ton fraire. Qu'aqueu gròs bambin me fuguèsse tot sorire, que me desvodèsse sei premierei pesadas, que me sonèsse de sei premierei paraulas, la derniera sillaba de mon pichòt nom bissada. Te fuguère necite, o m'es e de tu me languisse.<br />Traduction en Oc de Stéphane LombardoHervé Chesnaishttps://www.blogger.com/profile/07124398881611857778noreply@blogger.com