tag:blogger.com,1999:blog-8379050302543472187.post2513147513063004684..comments2023-09-16T11:18:47.901+02:00Comments on le ravaudeur: L'abcisse et l'ordonnéeHervé Chesnaishttp://www.blogger.com/profile/07124398881611857778noreply@blogger.comBlogger1125tag:blogger.com,1999:blog-8379050302543472187.post-47112528506134763932018-12-27T19:15:12.180+01:002018-12-27T19:15:12.180+01:00Traduction en Oc de Stéphane Lombardo:
L'abc...Traduction en Oc de Stéphane Lombardo:<br /><br /><br />L'abcissa e l'ordenada<br /><br />Ai refigurat sa votz, l'auriás refigurada, Catherine quand vai ò pas, òm lo conèis a sa votz. D'annadas qu'aviá pas sonat, sonava mair, la remplace pas, me sonava pas fins ara, quicòm s'es romput sensa dobte, tòrne trobar sa votz sus mon respondeire, au mitan d'una frasa que me parla d'esperança, comprene que puei qu'es lo nom de la clinica ont es internada. La tòrne sonar, refigura pas ma votz, mai basta de mon pichòt nom e vaicí-la rassegurada que me parla d'un dessenh, un crist bofigat qu'òm a clavelat sus l'axe de l'abcissa e de l'ordenada, son dessenh la trevava, se ton dessenh te treva as que de lo talhar li auriá dich son fraire ela aviá refusat, lo dessenh la trevava mai totun li agradava, a puei derivat m'a parlat de vièlhei muandas, de muandas nòvas crompadas que lei vièlhei li fasián vergonha, de la necessitat de lavar lei nòvei enans de lei portar, un autre de sei fraires aviá refusat d'o far as que de te desmerdar çò qu'a fach dins lo lavabo de la chambra de la clinica de l'Esperança. Li aviáu pas ren demandat ela ten d'o precisar, deriva puei mai, me parla de son desir deis òmes, me'n aviá pas jamai parlat, dei prepaus desplaçats d'un capelan qu'ela li voliá de ben maugratot, qu'eu li aviá dich que far l'amor lo premier còp, aquò èra pas pecar, li aviá ben agradat d'anar a confessa s'ausir dire que i aviá pas fauta. Deriva encara, me parla de l'eslip brut de D. la vièlha brutíssia qu'aviáu oblidada, mai ditz son nom e m'enavise, e li respònde que i aviá pas ges d'eslip brut en cò de D., aquò la fai se rire. Deriva mai sabe pas pus que dire e lassa d'un còp au mitan d'una frasa bòn sera e raganta.<br /><br /><br />Hervé Chesnaishttps://www.blogger.com/profile/07124398881611857778noreply@blogger.com