tag:blogger.com,1999:blog-8379050302543472187.post1562008605677857548..comments2023-09-16T11:18:47.901+02:00Comments on le ravaudeur: Ton nom sur la pierreHervé Chesnaishttp://www.blogger.com/profile/07124398881611857778noreply@blogger.comBlogger1125tag:blogger.com,1999:blog-8379050302543472187.post-32841205445149097452015-05-28T23:02:58.317+02:002015-05-28T23:02:58.317+02:00Ton nom sus la pèira
Philippe anèt veire ton cròs...Ton nom sus la pèira<br /><br />Philippe anèt veire ton cròs. Aviam pas agut aqueste coratge quand lei pompas funèbras avián sonat per li dire qu'èra pausat lo calador, pas agut lo coratge d'anar traire lei flors passidas, lei ribans blancs a muelh sota lo cèu de plomb de Vanas a la debuta de mai. Un amic se n'es cargat, petaus tombats, coas rosadas, coronas reduchas a sei tramas. Emb aquò Philippe i es poscut anar, amb Corinne, dijòus de l'Ascencion. La pèira es un pauc sorna, mai i aviá pas pus clar, ai ben chausit, es sòbri, eu a portat de flors que tendràn fins octòbre, mai s'estona que sus la lama i ague pas que ton nom de fema, son nom de fach e non lo mieu. Ges de Flavie Dalifard naissuda Chesnais e manca de Flavie Chesnais esposa Dalifard, just ton nom seguit de datas : Flavie Dalifard, 1964-2015. Aviáu chausit l'inscripcion, chausit d'escafar aqueste nom que fuguèt lo tieu, aqueste nom que me sobra ? Non, aiçò d'engravat aquí a pas ges pausat question, çò marcat anèt sensa dire,e Corinne, nòstra cosina dau meme nom, l'a rassegurat ; aquò èra pas pus mau, es un nom pesant de portar qu'aqueu dau paire, es un nom que nos a fach mau, es lo nom de quau t'a nafrada, pas mai lo tieu, pas lo de tei pichòts. Pas pus mau, sensa dobte, Corinne a rason.<br />(Traduction en Oc de Stéphane Lombardo)Hervé Chesnaishttps://www.blogger.com/profile/07124398881611857778noreply@blogger.com